پاکستان اچ 40فیصد توں ودھ ٻال غذا دی ڳھٹکی دا شکار ہن، ہمیشہ توں اساں کیتے غذائیت دا مسئلہ ہک چیلنج ہئی، وفاقی وزیر احسن اقبال

اسلام آباد۔26جولائی (اے پی پی) وفاقی وزیر منصوبہ بندی، ترقی تے اصلاحات پروفیسر احسن اقبال آکھیا جو پاکستان اچ 40فیصد توں ودھ ٻال غذا دی ڳھٹکی دا شکار ہن، ہمیشہ توں اساں کیتے غذائیت دا مسئلہ ہک چیلنج ہئی، اساں 2014 اچ وژن 2025 ٻݨایا ہئی تاں ایندے اچ پائیدار ترقی دے اہداف جیڑھے جو 2015 اچ لانچ تھیے ہن، اساݙا ہدف اے جو اساں آندے ترائے سالیں اچ ملک اچ زیرو ہیپاٹائٹس تے چلیے ونجوں کیونجو پاکستان اچ ہر تریجھا بندہ ایں مرض دا شکار تھی ڳئے۔ اے ڳالھیں انہاں بدھ کوں ’’فیوچر ای کامرس‘‘دی افتتاحی تقریب توں خطاب کریندیں ہوئیں آکھی۔ انہاں آکھیا جو 2013 اچ اساکوں 340ارب روپے دا ترقیاتی بجٹ ملیا ہئی، 2018 اچ ترائے گنا ودھارے دے بعد او تقریباً ہک ہزار ارب روپے تھی ڳیا پر 2022 اچ ایہو ترقیاتی بجٹ 550 ارب روپے رہ ڳیا۔ اساں ایں سال ایں بجٹ کوں ولا 1150 ارب روپے تئیں ودھائے جو ہک ریکارڈ اے۔

مضمون کا ماخذ : ولف گولڈ

متعلقہ مضامین