وفاقی وزیرداخلہ رانا ثنا اللہ خان دی تختہ بیگ اچ پولیس چیک پوسٹ تے خود کش حملے دی مذمت

اسلام آباد۔20جنوری(اے پی پی) وفاقی وزیرداخلہ رانا ثنا اللہ خان خیبر اچ تختہ بیگ اچ پولیس چیک پوسٹ تے خود کش حملے دی شدید مذمت کریندے ہوئیں آکھیے دفاع وطن دا فرض ادا کریندے ہوئیں جام شہادت نوش کرݨ آلے قوم دے پتر ساݙے ہیرو ہن ۔ آپݨے ھک بیان اچ وزیر داخلہ رانا ثناءاللہ خان ایں حملے اچ شہید پولیس اہلکاراں کوں خراج عقیدت پیش کیتے۔وزیر داخلہ لکی مروت، وانڈہ احسان اچ دہشت گرداں دے خلاف پولیس دی بھرپور کارروائی تے افسران تے اہلکاراں کوں خراج تحسین پیش کیتے۔انہاں آکھیے دہشت گردی مکاوݨ اچ پولیس جرات مندانہ کردار ادا کریندی پئی اے ۔انہاں آکھیے صوبے بالخصوص خیبرپختونخوا محکمہ پولیس کوں بہتر بݨاون، تربیت، وسائل اتے ضروری ساز وسامان دی فراہمی یقینی بݨاون ۔وزیر داخلہ شہدا دے اہل خانہ نال اظہار ہمدردی تے تعزیت کیتی۔وزیر داخلہ دی زخمی پولیس اہلکاراں دی وختی صحت یابی دی دعا کیتی۔ انہاں آکھیے اللہ تعالی شہدا دے درجات اچے کرے تے انہاں دے خاندان کوں صبر ݙیوے۔

مضمون کا ماخذ : منی ٹرین 2

متعلقہ مضامین