حکومت پاکستان گلگت بلتستان اچ ترقی،امن، خوشحالی اتے نینگر نسل دی بہتری کیتے کردار ادا کریندی رہسی، نگران وزیراعظم انوارالحق کاکڑ دا جنگ ِآزادی گلگت بلتستان دے 76 سال پورے تھیوݨ تے سنیھا

اسلام آباد۔1نومبر (اے پی پی) نگران وزیراعظم انوارالحق کاکڑ گلگت بلتستان دی عوام کوں جنگ آزادی گلگت بلتستان دے 76 سال پورے تھیوݨ تے مبارخ ݙیندیں ہوئیں آکھیا جو گلگت بلتستان دے لوکاں کوں بے مثال قربانیاں نال آزادی دی نعمت ملی۔ حکومت پاکستان گلگت بلتستان اچ ترقی،امن، خوشحالی اتے نینگر نسل دی بہتری کیتے کردار ادا کریندی رہسی۔ بدھ کوں نگران وزیراعظم انوارالحق کاکڑ گلگت بلتستان دی جنگ آزادی دے 76 سال پورے تھیوݨ دے موقع تے آپݨے سنیھے اچ آکھیا جو اڄ دا ݙینھ گلگت بلتستان اتے پورے پاکستان کیتے ٻہوں اہمیت رکھیندے اتے اساݙی تاریخ اچ اساں ہک اہم سنگ میل دی حیثیت رکھیندے۔ اڄ توں 76 سال پہلے گلگت بلتستان دے غیور عوام قیامِ پاکستان دے بعد ڈوگرا راج دے خلاف کیپٹن مرزا حسن خان اتے صوبیدار میجر بابر سویں بہادر اتے جَری رہنماواں دی قیادت اچ بے سروسامانی دے باوجود ٻہوں بہادری اتے دلیری ݙکھائی اتے ہندو سامراج دے کٹھ پتلی گورنر گھنسارا سنگھ کوں ہتھیار سٹݨ تے مجبور کر ݙتا۔

مضمون کا ماخذ : تھنڈرسٹرک II

متعلقہ مضامین