وزیر اعظم عمران خان دی زیر صدارت ملک اچ اعلیٰ تعلیم دے ودھارے دے حوالے نال اجلاس

اسلام آباد۔21مئی (اے پی پی):وزیر اعظم عمران خان آکھیے جو اعلی ٰ تعلیم دا ودھارا ملک دی ترقی دا زینہ اے،صوبیں دی مشاورت توں تعلیم دے بجٹ اچ ودھارے دا مصمم ارادہ اے۔جمعے کوں وزیر اعظم دی زیر صدارت ملک اچ اعلیٰ تعلیم دے ودھارے دے حوالے نال اجلاس تھیا ۔اجلاس اچ وفاقی وزیر شفقت محمود، چیئرمین وزیر اعظم ٹاسک فورس سائنس و ٹیکنالوجی پروفیسر ڈاکٹر عطا الرحمان، قائم مقام چیئرمین ہائر ایجوکیشن کمیشن انجینئر فاروق بزائی، ایگزیکٹو ڈائریکٹر ایچ ای سی ڈاکٹر شائستہ سہیل، چیئرمین نیا ٹیل راشد خان، چیف ایگزیکٹو آفیسر ٹیلی تعلیم اسد کریم اتے سینئر افسران شریک تھئے ۔چیئرمین وزیر اعظم ٹاسک فورس سائنس و ٹیکنالوجی پروفیسر ڈاکٹر عطا الرحمان اجلاس کوں اعلی تعلیم دے فروغ کیتے درکار ایچ ای سی کوں درکار وسائل اتے ٹیکنالوجی دے استعمال دے حوالے نال تفصیلی بریفنگ ݙتی۔ اجلاس کوں اعلی تعلیم کیتے وسائل کوں ودھاوݨ کیتے تجویزاں پیش کیتیاں ڳیاں ۔وزیر اعظم آکھیے جو اعلی تعلیم دا فروغ ہی ملک دی ترقی دا زینہ ثابت تھیسی ۔ ترقی یافتہ ملک اپݨی جی ڈی پی دا کثیر حصہ تعلیم تے خرچ کریندن جیں دی وجہ توں او ملک مزید خوشحال تھیندن ۔

مضمون کا ماخذ : میگا سینا آن لائن

متعلقہ مضامین