وزیر خارجہ مخدوم شاہ محمود قرشی دی نائیجر دے وزیر اعظم برجی رافینی نال ملاقات

نیامے۔28نومبر(اے پی پی)وزیر خارجہ مخدوم شاہ محمود قرشی نائجر دے وزیر اعظم برجی رافینی نال ملین۔ انہاں ڈو طرفہ تعلقات،مقبوضہ جموں و کشمیر دی صورتحال، اقتصادی و تجارتی تعاون سودھا باہمی دلچسپی دے معاملیاں تے الایا ڳیا۔ وزیر خارجہ نائیجر اچ او آئی سی وزرائے خارجہ کونسل دے ستالویویں اجلاس دی میزبانی اتے بہترین انتظامات تے وزیر اعظم نائیجر کوں مبارکباد ݙتی۔ وزیر خارجہ ݙسایا جو حکومت پاکستان، نائجر دے سیلاب زدگان دی مدد کیتے ہک لکھ 20 ہزار چاولاں دے تھیلے ، خیمے، ادویات اتے کمبل بھجویندی پئی اے جیڑھے تیکھے نائیجر پڄ ویسن۔ انہاں نائیجر دے طلباء کیتے 200 وظائف ݙیوں دا وی اعلان کیتا اتے نائیجر دے عوام کوں طبی سہولیات سانڳے ” نائیجر پاکستان صحت کاریڈور بݨاوݨ دی وی پیشکش کیتی” اتے زراعت، آبپاشی، انفراسٹرکچر ڈویلپمنٹ دے شعبوں اچ نائجر دا ہتھ ونݙاوݨ دی یقین دہانی کرائی۔ انہاں وزیراعظم عمران خان ولوں نائجر دے وزیر اعظم کوں دورہ پاکستان دی دعوت ݙتی جیڑھی انہاں قبول کر ڳھدی۔

مضمون کا ماخذ : میگا سینا اکمولاڈا

متعلقہ مضامین