پاکستان امریکہ دے نال سانجھے مفاد تے مبنی بالخصوص ݙو پاسے تجارتی تعلقات کوں قدر دی نگاہ نال ݙیکھدے ، وزیراعظم شہبازشریف دی امریکہ اچ پاکستان دے سفیر سردار مسعود خان نال ڳالھ مہاڑ

APP36-040323 LAHORE: March 04 - Pakistan Ambassador to the US Sardar Masood Khan calls on Prime Minister Muhammad Shehbaz Sharif. APP/ ZID/ABB

اسلام آباد۔4 مارچ(اے پی پی) وزیراعظم محمد شہباز شریف آکھیے پاکستان امریکہ دے نال سانجھے مفاد تے مشتمل بالخصوص ݙو طرفہ تجارتی تعلقات کوں قدر دی نگاہ نال ݙیکھدے ۔امریکہ نال ݙو پاسے کثیر الجہتی تجارتی تعلقات اتے انفارمیشن ٹیکنالوجی ، زراعت اتے صنعت دے شعبیں اچ تعاون کوں مزید بہتر بݨاوݨ حکومت پاکستان دی ترجیحات اچ شامل اے۔اے ڳالھ انہاں ہفتے کوں امریکہ اچ پاکستان دے سفیر سردار مسعود خان نال ڳالھ مہاڑ کریندے ہوئیں آکھیے جنہاں اڄ لاہور اچ انہاں دے نال ملاقات کیتی ۔ملاقات اچ وزیراعظم سفیر کوں ہدایت کیتی جو امریکی سرمایہ کاراں دی پاکستان اچ سرمایہ کاری کوں مزید موثر بݨاوݨ کیتے مختلف شعبیں اچ ممکنہ مواقع کوں اجاگر کرݨ کیتے بھرپور اقدامات کیتے ویسن ۔ انہاں امریکی سرمایہ کاراں کوں پیش آندے مسئلیں دی نشاندہی کرݨ دی وی خصوصی ہدایت کیتی تاں جو حکومت وختی تے موثر اقدامات چاتے تجارتی حجم کوں مزید بہتر کرسڳے، ملاقات اچ وزیراعظم آکھیے سرمایہ کاراں کیتے درآمدات و برآمدات تے لاگو قوانین و ضوابط کوں سوکھا بݨاوݨ کیتے حکومت ترجیحی بنیاداں تے کم کریندی پئی اے ۔سفیر سردار مسعود خان وزیراعظم کوں امریکا اچ موجود پاکستانی سفارتی مشن دی کارکردگی بارے ݙسایا۔

مضمون کا ماخذ : ایزٹیک گولڈ

متعلقہ مضامین